![Brimil 1 02](https://www.vp.fo/fileadmin/_processed_/5/5/csm_brimil-1_02_1caed39c05.jpg)
![Brimil 1 02](https://www.vp.fo/fileadmin/_processed_/5/5/csm_brimil-1_02_1caed39c05.jpg)
Fiskivinnu- og Samferðslumálaráðið: Dennis Holm, landsstýrismaður í fiskivinnu- og samferðslumálum, hevur raðfest fiskiveiðieftirlit í uppskotinum til fíggjarlóg 2023, sum er lagt fyri Løgtingið.
Í uppskotinum er játtanin til Vørn og fiskiveiðieftirlit hækkað við tveimum milliónum krónum.
Vørn hevur eftirlit við føroyskum og útlendskum fiskiskipum í føroyskum sjógvi, og føroyskum fiskiskipum, sum fiska uttan fyri føroyskan sjógv. Stovnurin hevur somuleiðis eftirlit við landingum og umskipingum av veiði í føroyskum havnum.
Ein størri játtan styrkir fiskiveiðieftirlitið. Tað fer at geva rúmari møguleikar at brúka eygleiðarar umborð á fiskiskipum, sum royna í føroyskum sjógvi, og fer at betra um eftirlitið við umskipingum og landingum í føroyskum havnum.
Um tú veitst okkurt, sum VP ikki veit - skriva so til vp@vp.fo