Innlendis ítróttur
FSF: Í dag klokkan 15:00 spælir føroyska U15-landsliðið við gentum síðsta dystin í Baltic Cup 2024.
Mótstøðuliðið hesaferð er Estland, sum í sínum undanfarnu dystum í kappingini hevur tapt 1-0 fyri Lettlandi, og 6-1 fyri Litava.
Fyri okkara gentur hava úrslitni higartil verið ein sigur og eitt tap. Í fyrsta dystinum, sum var ímóti Litava, taptu Føroyar 3-2, eftir at føroyska liðið stóran part av seinna hálvleiki spældi við einum spælara færri á vøllinum.
Ímóti Lettlandi gjørdist úrslitið ein tryggur 3-1 sigur til Føroyar.
Um tú veitst okkurt, sum VP ikki veit - skriva so til vp@vp.fo
