Ein hátíðarligur partur av skránni til Dansibandsfestivalin er Dansibandsgudstænastan í Vágs Høll, sum altíð er væl vitjað. Dansibandsgudstænasta verður í dag klokkan 14.
Í ár verður Uni Næs, dómpróstur, prestur á Dansibandsgudstænastuni og harumframt fer Magni Christiansen at framføra til gudstænastuna. Klokkari verður Mikkjal á Løðhamri og Elin Jacobsen verður degnur til gudstænastuna.
Sálmarnir, sum sungnir verða, eru ”Boðar tú til allar tjóðir” og ”Tíðin rennur sum streymur í á”.
Sum nakað nýtt, verður Dansibandsgudstænastan stroyma á internetinum í ár, hetta umvegis Youtube-rásina ”Vágur, Faroe Islands”.
Leinkja til stroymingina verður eisini løgd út á heimasíðuna hjá Dansibandsfestivalinum, www.dansibandsfestivalur.fo og á facebook-vangan hjá Dansibandsfestivalinum.
Um tú veitst okkurt, sum VP ikki veit - skriva so til vp@vp.fo
