Í morgun síggjast og hoyrast nógvir bátar fara klikkjandi út eftir vágum og firðum, og óivað eru ørindini at taka havhestaungar ella nátar, sum eisini verður sagt. Veðrið er av tí besta og streymurin hampuligur eisini. Tí er eisini lag á manni at fara langt út at royna.
Hóast lítil vindur alla hesa vikuna, so hava nógvir, sum hava verið úti og roynt, fingið heilt fitt, til dømis frættist um fleiri bátar norðanfyri, sum fingu fleiri 100 havhestaungar í gjár.
Í vikuni sum kemur verður meira vindur, so tá kemur meira á sjógvin, men tá verða umstøðurnar at taka eisini tað verri. Hann lovar eisini nógv regn fleiri av døgunum í komandi viku.
Um tú veitst okkurt, sum VP ikki veit - skriva so til vp@vp.fo
