Áhugavert at síggja formannin í Tjóveldi skriva, at nú eru bert fá stig eftir til Føroyar kunnu kalla seg eina sjálvstøðuga tjóð
"Gamla sjálvsrýri" vísti trúliga í mong ár á, at besta og tryggasta leiðin móti fullum sjálvstýri, er at taka tað "Stig fyri stig" so hvørt, sum umstøður og ráðini eru til tess.
Hetta var dúgliga mótmælt, hildið fyri gjøldur og speirikið serliga av Tjóðveldisfólkum. Sum mæltu til at kvetta við Danmark.
"Guds børn batna" sigur orðatakið. Annað orðatak er: Ofta etur hundur tað, hann havnar.
Vit kunnu nú ynskja Tjóveldinum tillukku við, at tey hava fingið síni politisku eygu latin upp.
Tey tosa ikki longur um at kvetta við Danmark, men gleðast um, at tað hevur gingið og gongur stig fyri stig á sjálvstýrisleið.
Absalon Absalonsen
Hetta er eitt lesarabræv. Meiningar og sjónarmið í lesarabrævinum eigur tann ið skrivað hevur. VP leggur nógv í talu- og skrivifrælsi. Tí eru allar meiningar vælkomnar, bara tær eru innanfyri karmarnar á revsilógini og fjølmiðlaetisku leiðreglunum. VP loyvir í ávísan mun dulnevndum lesarabrøvum, tá veit redaktiónin hvør hevur skrivað.
Um tú veitst okkurt, sum VP ikki veit - skriva so til vp@vp.fo
