Skrivligur fyrispurningur eftir § 52a í Tingskipanini
Spyrjari: Eirikur í Jákupsstovu, løgtingsmaður
Svarari: Bjarni K. Petersen, landsstýrismaður í lógarmálum
Evni: Fast track-skipanin seinastu tíðina
Spurningar:
1. Hvussu nógvar umsóknir eftir fast track-skipanini vóru í mars og apríl 2023?
2. Hvussu nógvar umsóknir eftir fast track-skipanini vóru í mars og apríl 2024?
3. Hevur nakar óvanligur toppur verið á fast track umsóknum seinasta árið?
Viðmerkingar:
Í miðlunum um dagarnar og í umrøðu annars hevur verið nevnt, at arbeiðsgevarar møguliga hava fingið útlendsk starvsfólk, sum ikki eru partur av fakfeløgum, til landið og í starv beint fyri verkfallið.
Fyri fáa at greiðu á, hvussu ítøkiligu umstøðurnar hava verið, verða omanfyri nevndu spurningar settir landsstýrismanninum.
Á Løgtingi, 22. mai 2024
Eirikur í Jákupsstovu
Um tú veitst okkurt, sum VP ikki veit - skriva so til vp@vp.fo
