Hvussu síggja svínasláturhús og onnur sláturhús út eftir lokið verk? Og flettingarhús eftir fletting?
Skulu vit gevast at liva í samljóði við havið?
Av hasum spiki verður eingin dálking. Tað fer aftur til sítt upphav.
Og so orðavalið:
"... soleiðis sær Allur Nólsoyarfjørður út..."
Góð frásøgufólk og fjølmiðlar áttu at gjørt sakligan tíðindaflutning.
Til dømis kundi onkur kannað haldføri í sjónarmiðum og atburði annars hjá hesum atfinnarum.
Mann kundi eisini vitað, hvørji endamál av ymiskum slag, ið hesi fólk hava - og komið við samanberingum við tað, sum tey annars fyritaka sær.
Spurt kundi eisini verið, hvat fer fram í øðrum londum; ikki minst í sokallaða vesturheiminum eins og Avstralia og Nýsælandi.
Ynskiligt hevði verið at fingið eina óbrotna frásøgn um tað, at springararnir vóru hildnir til: Frá tí, at bólkurin var funnin, til hann var avlívaður, skorin upp sjálvboðið og býttur ókeypis út til túsundtals fólk.
Tað hevði skapt áhuga og kanska tænt tjóðini í eini størri heild. Onkur fjølmiðil kundi sum nakað serstakt vent sjóneykuni og møguliga fingið sannan heiður fyri tað.
Høgni Mohr
Hetta er eitt lesarabræv. Meiningar og sjónarmið í lesarabrævinum eigur tann ið skrivað hevur. VP leggur nógv í talu- og skrivifrælsi. Tí eru allar meiningar vælkomnar, bara tær eru innanfyri karmarnar á revsilógini og fjølmiðlaetisku leiðreglunum. VP loyvir í ávísan mun dulnevndum lesarabrøvum, tá veit redaktiónin hvør hevur skrivað.
Um tú veitst okkurt, sum VP ikki veit - skriva so til vp@vp.fo
