Á myndini frá vinstru: Mason Greenwood, Brandon Williams og James Garner
Á myndini frá vinstru: Mason Greenwood, Brandon Williams og James Garner
Champions League, 2. umfar: Manchester United er sera hart rakt av skaðum fyri tíðina, og kemur hetta serstakliga illa við, nú felagið í annaðkvøld skal á vitjan hjá Paris Saint Germain.
Anthony Martial, Jesse Lingard, Ander Herrera, Juan Mata, Nemanja Matic og Alexis Sanchez eru skaddir, meðan Paul Pogba er leikbannaður til dystin í morgin.
United venjarin Ole Gunnar Solskjær hevur av tí sama úttikið fleiri heilt ungar leikarar til dystin.
Hesir ungu leikararnir eru við í hópinum, sambært Manchester Evening News: Tahith Chong (19), Angel Gomes (18), Brandon Williams (18), Mason Greenwood (17) og James Garner (17).
PSG vann fyrra dystin 2-0 á Old Trafford, og er tað tí ein ógvuliga trupul uppgáva, sum bíðar fyri framman hjá United í morgin.
Ein møgulig liðuppstilling hjá United: David de Gea - Diogo Dalot, Chris Smalling, Victor Lindeløf og Luke Shaw - Scott McTominay, Fred, Andreas Pereira og Ashley Young - Marcus Rashford og Romelu Lukaku.
Um tú veitst okkurt, sum VP ikki veit - skriva so til vp@vp.fo
