Í morgin minkar hann sum frálíður vindin av landsynningi. Regn fyrrapartin, hitin millum 4 og 6 stig.
Týsdagin bert lítil vindur av ymsum ættum, kanska mest av lágætt, okkurt æli og hitin upp í 7 stig.
Mikudagin frískar hann vindin høgt og tað verður kaldari, niður ímóti frostmarkinum. Okkurt æli, kanska sum kavi.
Hósdagin verður ættin útnyrðingur, strúkur í vindi, hitin um 2-3 stig og okkurt æli, kanska sum kavi ella vátaslettingur.
Fríggjadagin, nýggjársaftan, verður turt og kalt, um frostmarkið. Fyrst strúkur í vindi høgt, sum frálíður minkar vindurin og tá komið er út ímóti midnátt er mestsum stilli.
Næsta vikuskifti verður tó sum frálíður fitt av vindi, serliga sunnudagin, av eysturætt. Tað byrjar við kulda, um frostmarkið, men verður so nakað lýggjari, um eini 4 stig og okkurt kava ella vátaslettingsæli.
Um tú veitst okkurt, sum VP ikki veit - skriva so til vp@vp.fo
