Tað var tann tíð, at peningastovnar pyntaðu seg við slogan sum: Fólksins Peningastovnur.
Eg skilti tað soleiðis, at ert tú kundi við lønarkonto, meiri og minni inniogn í okkara banka, so ert tú við til at tryggja bankans møguleika at virka fyri samfelagið!
Tú fekst rentu av innistandandi í mun til hvussu inntjening bankans var í mun til umsetningin av tínum innistandandi.
Hesar treytir høvdu vit øll vant okkum við, sjálvt um vit ikki vóru før fyri at eftirkanna útlánspolitikk bankans.
Hóast kundar bankans eisini í dag eiga pening á kono í bankunum, so eru tað ikki hesar pengar, ið bankin skal síggja til góða, men heldur sokallaðum íleggjarum, ið hava sett seg á partapeningin, og sostatt krevja hóskandi vinning av íløgu teirra!
So nú er tað ikki tú, ið fær rentu fyri at tryggja virksemi bankans, men má gjalda av uppsparingini og lønarkonto, fyri at tað skal loysa seg hjá íleggjarum!
Væl er peningaverðin rættuliga torskild fyri fjøldina, men vit skilja øll, tá vit skulu gjalda!
Eyðun Mohr Viderø
09.07.2021
Hetta er eitt lesarabræv. Meiningar og sjónarmið í lesarabrævinum eigur tann ið skrivað hevur. VP leggur nógv í talu- og skrivifrælsi. Tí eru allar meiningar vælkomnar, bara tær eru innanfyri karmarnar á revsilógini og fjølmiðlaetisku leiðreglunum. VP loyvir í ávísan mun dulnevndum lesarabrøvum, tá veit redaktiónin hvør hevur skrivað.
Um tú veitst okkurt, sum VP ikki veit - skriva so til vp@vp.fo
