Í næstum koma fleiri politikarar úr skotska tjóðartinginum, sum hava tilknýti til oyggjarnar ið hoyra til Skotland, til Føroya at kunna seg um føroysku tunlarnar. Serliga er tað Sandoyartunnilin sum hevur áhuga, og sum teir skulu síggja, áðrenn hann letur upp.
Við The National sigur ein teirra, Angus MacNeil, at føroyingar duga ótrúliga væl at fáa burturúr.
- Føroyingar kundu bygt ein tunnil úr Havn til Cape Town í Suðurafrika, fingu teir líka nógv at arbeiða við, sum vit skulu brúka, tá vit byggja tunlar, sigur hann.
- Antin byrja vit at taka hesar tunlarnar í álvara og koma í gongd, ella halda vit áfram at grenja um ferjurnar.
Í dag eru tað fyrst og fremst ferjur sum knýta saman oyggjarnar útfyri skotsku strondini. Til dømis sigla 12 ferjur í Hetlandi. Men flotin er gamal, umleið 30 ár í miðal.
Um tú veitst okkurt, sum VP ikki veit - skriva so til vp@vp.fo
