25-ára gamli Jákup Mortensen er settur sum nýggjur høvuðsungdómsvenjari hjá NSÍ.
Jákup Mortensen og NSÍ hava undirskrivað sáttmála, sum er galdandi í trý ár.
Í NSÍ fegnast tey um avtaluna:
- Jákup Mortensen. Navnið kenna vit øll. Abbin sáli, navnin, er heiðurslimur, og ein av høvuðsorsøkunum til, at fótbólturin festi røtur í runavíkarøkinum. Pápan kenna vit fyrst sum leikara og síðan venjara í fleiri umførum í felagnum. Beiggjar hava verið og eru virknir í felagnum.
- Hóast unga aldurin hevur Jákup longu í fleiri ár verið venjari hjá fleiri ungdómsliðum, og hevur stundum havt yvirskipaðar uppgávur innan venjaragerningin í felagnum. At Jákup nú hevur játtað at átaka sær høvuðsábyrgdina at skipa ungdómsfótbóltin, kunnu vit ikki annað enn fegnast um, sigur NSÍ á heimasíðuni.
Og NSÍ ynskir Jákupi blíðan byr í uppgávuni.
Um tú veitst okkurt, sum VP ikki veit - skriva so til vp@vp.fo
