Føroyski útisetin Símun úr Konoy, sum í Danmark nevnir seg Simon von Konoy, gevur í hesum døgum út fløgu, ið hevur heitið ”Nok af sorger”.
Orsøkin til útgávuna er millum annað, at hann í ár kann hátíðarhalda, at tað eru 40 ár síðani, at hann av álvara fór at gera um seg innan tónleikaheimin - fyrst í Føroyum, seinni í Danmark.
Á nýggju útgávuni er í onkrum førum talan um nýupptøkur av gomlum løgum, men flestu sangirnir eru nýyrktir, m.a. ”Smukke, skønne Diana”, sum í frítíð síni dámar at hugna sær saman við kendum persónum.
Ein annar sangur er um mexikansku ølina Corona, og ein triðji um hin, ið er búsitandi í slavna kjallaranum, ímeðan tey væl bjargaðu hugna sær uppi á kvistinum. 16 sangir eru á fløguni.
Um tú veitst okkurt, sum VP ikki veit - skriva so til vp@vp.fo
