Flogbóltssamband Føroya: Næstsíðsti FM-finalu dystur fyri yngru deildirnar er nú leiktur í Trongisvági.
Tað vóru sørvágsgentur, sum fóru avtstað við føroyameistaraheitinum fyri gentur 12, tá SÍa vann 2-0 á KÍF a.
SÍ legði seg munandi á odda í 1. setti og sá leingi út til at vinna hetta settið stórt. Genturnar úr Kollafirði kempaðu seg tó innaftur í dystin.
2. settið var sera líkt 1. settinum, har SÍa legði seg greitt á odda, ímeðan KÍFa royndi at fylgja við.
Genturnar úr Sørvági hava eisini vunnið steypafinaluna og eru tær tí greipuvinnarar.
Venjari hjá SÍ a er Annika á Stongum, sum eisini er hjálparvenjar hjá A-landsliðunum við kvinnum og venjari hjá KÍF a er Jana Jacobsen, sum til dagligt starvast hjá Flogbóltssamband Føroya.
Dagsins leikari fyri SÍa varð Anna Katrina í Haraldstovu og dagsins leikari fyri KÍFa varð Maria Kristensa.
Allir dystirnir síggjast á Rás 1 á Televarpinum.
Um tú veitst okkurt, sum VP ikki veit - skriva so til vp@vp.fo
