Tiltøk
Í dag klokkan 17 fara skoramenn at selja kjøt av seyði sum hevur gingið í skorunum. Uppboðssølan verður í Heygatúni, og øll eru vælkomin at bjóða, siga skoramenninir.
- Øll eru vælkomin til eina hugnaliga løtu, fletting og reyp. Okkurt gott verður at fáa til bæði vaksin og børn, lova teir. Sámal Ravnsfjall kemur eisini, og hann fer at syngja fyri teimum sum eru komin at bjóða ella hyggja at ímeðan onnur bjóða.
Skorakjøtið í Vestmanna er tiltikið gott kjøt, og tað er ikki óvanligt, at boðið verður heilt fitt fyri kjøtið.
Um tú veitst okkurt, sum VP ikki veit - skriva so til vp@vp.fo
