Fremsta og gyltasta málið eitt kommunustýri eigur at arbeiða við, er at gera tað liviligt hjá teimum sum hava valt Sandsbygd til.

Tí koma vit á Lista A at leggja dent á at loysnir ið valdar verða, skulu fyrst og fremst gagna borgarum her á staðnum.

Sum dømi um hetta kann í samband við øktu ferðsluna í oynni nevnast, avbjóðingarnar ið hagarnir fyri vestan hava av óviðkomandi bilum, tá rakstur er fyri í høgunum har.

Vit á Lista A fara at skipa soleiðis fyri, at teir dagarnar tá rakstur er í høgunum fyri vestan, verður Søltuvíkarvegurin stongdur fyri óviðkomandi ferðslu, so at tey sum varða av høgunum í friði og náðum kunnu reka og føra skurðin trygt til hús, uttan ampa av óviðkomandi ferðslu.

Við ársenda 2025 skal kommunan hava latið eina ferðavinnuætlan inn til landið, sum ásetur hvar og hvussu gangast kann í høgunum á Sandi í ferðavinnuhøpi.

Vit á lista A vilja at eigarar og festarar ikki bara skulu hoyrast í hesum høpi, men skulu luttaka aktivt í avgerðini um hvussu ferðavinnan skal skipast.

Eisini vilja vit á Lista A leggja stóran dent á at verja lendið, ið er brúkiligt til landbúnað, og heldur staðseta okkara framtíðarbygging har landbúnaðarlendi ikki fer fyri skeyti.

Saman um Sandsbygd

Brandur Sandoy,
valevni