Skúlablaðið: Eitt øki í landinum, sum er serstakt, og kann koma at kenna avleiðingarnar av minstamarkinum, er Suðuroyggin. Men skúlastjórarnir á stóru skúlunum í oynni, skúlum við 10. lfokki, meta ikki, at ein samanlegging er ein gongd leið. Skúlastjórarnir í Vági og á Tvøroyri mæla til samstarv og vilja menna samstarvið, ið longu er um 10. flokkarnar frammanundan.
- Talið er nakað minni júst í ár, men seinastu tvey skúlaárini hava tað verið um 40 næmingar tilsamans í 10. flokki, og hevur hetta verið javnt býtt millum skúlarnar á Tvøroyri og í Vági. Mælt verður til samstarv um 10. flokkar, so at eindirnar verða um 100-200 næmingar. Orsakað av fjarstøðuni til aðrar skúlar er eyðsýnt, at í Suðuroynni ber illa til at samstarva við onnur øki. Hetta í sjálvum sær talar fyri, at skulu næmingarnir í Suðuroynni hava javnbjóðis tilboð, sum næmingarnir í restini av landinum, skal ein gerast ein serskipan, sigur John Henrik Holm, skúlastjóri í Vágs Skúla.
Um tú veitst okkurt, sum VP ikki veit - skriva so til vp@vp.fo
