Dagblaðið: Ongantíð áður hevur ein samgonga fingið so turt uppá frá vinnu og borgarum, sum reyða samgongan nú fær fyri tann ætlaða politikkin.

Longu áðrenn broytingarnar eru settar í verk, er vinnan farin at øtast. Vinnan heldur seg aftur, at gera íløgur. Herda skatta- og avgjaldstrýstið ger at kappingarførið hjá vinnuni versnar.

Vinnan er farin frá at vera bjartskygd til svartskygd.

Politikkurin er so víðgongdur, at grundarlagið undir vinnuni, yvir nátt, verður skrykt burtur.

Vinnuligar íløgur fyri milliardir eru í leysum lofti.

Bakkafrost hevur boðað frá, at allar íløguætlanir felagsins mugu endurskoðast.

Regin Jacobsen sigur, at broytingarnar, ið vera skrumblaðar ígjøgnum, eru ein skandala fyri eina og hvørja vinnugrein og eru at sammeta við tilafturskomin lond.

Reiðaríið Christian í Grótinum hevur boðað frá, at ætlanirnar um at byggja nýtt skip mugu sleppast, tí óvissan í vinnuni er ov stór.

Í almennum skrivi ávarar Hanus Hansen, reiðari og stjóri í JFK-samtakinum, enn einaferð móti ætlanini hjá landsstýrinum at selja part av føroysku kvotunum í Barentshavinum á uppboðssølu.

Landsstýrið ætlar at selja 15 prosent av Barentshavs-kvotunum á uppboðssølu, men reiðarin óttast, at hetta er bara byrjanin.

Les meira her