- Samgongan góðtekur villleiðing av løgtinginum.
- Tað stendur greitt eftir at samgonguumboðini í landsstýrismálanevndini ikki vilja gera meir við, at Aksel V. Johannesen, løgmaður og Høgni Hoydal, landsstýrismaðurin í uttanríkismálum hava givið løgtinginum villleiðandi upplýsingar, sigur formaðurin í Sambandsflokkinum og limur í Landsstýrismálanevndini, Bárður á Steig Nielsen.
- Hetta er ein niðurlaðing av rættartrygdini, at landsstýrið óátalað kann geva løgtinginum skeivar upplýsingar, leggur hann afturat.
Sambært Útvarpinum so ger Landsstýrismálanevndin ikki meira við málið um útsagnirnar hjá Høgna Hoydal, landsstýrsmanni í uttanríkis- og vinnumálum, og Aksel V. Johannesen, løgmann, í samband við russlandssáttmálan.
Tað er greitt eftir fundin, sum Landsstýrismálanevndin hevði fyrrapartin.
Um tú veitst okkurt, sum VP ikki veit - skriva so til vp@vp.fo
