Onnur tíðindi
Russiskar loftverjuskipanir hava skotið 14 ukrainskar dronur og fýra jørð-til-jørð rakettir niður yvir Kursk landslutinum, nær ukrainska markinum. Hesum boðar russiska verjumálaráðið frá, sambært Reuters.
Harumframt eru 16 dronur skotnar niður yvir Voronezh landslutinum í útsynningspartinum av Russlandi og tríggjar dronur yvir Belgorod landslutinum.
Loftverjuskipanirnar hjá bæði Ukraina og Russlandi hava úr at gera, eftir at londini bæði seinasta samdøgrið hava skotið rakettir og sent dronur eftir hvørjum øðrum.
Fleiri eru deyð ella komin til skaða, og nógvastaðni hava fólk fingið boð um at halda seg innandura.
Um tú veitst okkurt, sum VP ikki veit - skriva so til vp@vp.fo
