Rúni Gaardbo telist millum royndastu dómararnar í føroyskum fótbólti - Mynd: Álvur Haraldsen
Rúni Gaardbo telist millum royndastu dómararnar í føroyskum fótbólti - Mynd: Álvur Haraldsen
Rúni Gaardbo telist millum royndastu dómararnar í føroyskum fótbólti - Mynd: Álvur Haraldsen
FSF: Rúni Gaardbo, Jógvan Breckmann, Emil Sørensen, og Jóhan Hendrik Ellefsen, ið verður 4. dómara, verða menninir, ið skulu leiða finaluna um Løgmanssteypið 2024, sum verður á Tórsvølli leygardagin 2. november klokkan 19:00.
46 ára gamli toftamaðurin, Rúni Gaardbo, verður maðurin við floytuni, meðan Jógvan Breckmann og Emil Sørensen verða á síðulinjunum. Dómaraeygleiðari til finaluna verður Petur Reinert.
Talan er annars um tvey feløg við rættuliga ymiskum steypahagtølum, sum í ár møtast í finaluni. Síðani 1955 hevur HB vunnið steypafinaluna hjá monnum 29 ferðir, meðan B36 hevur vunnið finaluna sjey ferðir.
Atgongumerki til finaluna um Løgmanssteypið 2024 fáast til keyps í nethandilinum á FSF.fo, og á atgongumerki.fo.
Um tú veitst okkurt, sum VP ikki veit - skriva so til vp@vp.fo
