Wayne Rooney spældi í kvøld sín fyrsta dyst fyri Derby County, sum tók ímóti Barnsley á heimavølli.
Veðrarnir vunnu dystin 2-1 eftir at hava verið á odda 1-0 í hálvleikinum.
Rooney var liðskipari hjá Derby, og legði hann upp til málið til 1-0, sum kom beint fyri steðgin.
Fyrrverandi United stjørnan leikti inni allan dystin.
Derby liggur nummar 17 í The Championship, væl omanfyri niðurflytingarstrikuna, men eisini í longra lagi frá stríðnum um at flyta upp í Premier League.
Rooney spældi við Manchester United fram til 2017, áðrenn hann skifti til barndómsfelagið Everton, har hann var í eitt ár. Síðan spældi hann við amerikanska DC United fram til ársenda í fjør.
Rooney er eftirhondini vorðin 34 ára gamal.
Um tú veitst okkurt, sum VP ikki veit - skriva so til vp@vp.fo
