Tekstur og mynd/Sonne Smith: Stórur skúli? Jú, Skúlin við Løgmannabreyt er ein stórur skúli, men hann er bara umleið helvtina av tí, sum skúlarnir á Fløtum í Havn og Skúlin á Skúlatrøð í Klaksvík vera við hvør sínum um 800 næmingum. Skúlin við Løgmannabreyt er tvísporaður, og stórskúlarnir í ávikavist Havn og Klaksvík eru trísporaðir.
Tað áhugaverda við spurninginum um skúlastødd er, at allir skúlastjórar og mong við teimum halda, at júst teirra skúli er akkurát passaligur, eitt nú Sumbiar skúli við 25 næmingum og trimum lærarum og Sørvágs skúli við stívliga 180 næmingum og einum 20 lærarum.
- Tað, sum er nokk so sjáldsamt við okkara skúla, er, at skúlaøkið hjá okkum er so lítið. Skúlin liggur her á einum íbúðarøki, og næmingarnir búgva her á økinum, sigur Høgni Joensen, skúlastjóri, ið vanliga er til arbeiðis frá átta til fimm.
Um tú veitst okkurt, sum VP ikki veit - skriva so til vp@vp.fo
