Lat okkum byrja við at siga, at hetta ikki er ein apríl søga.
Einaferð seinasta samdøgrið hevur eitt risastórt omanlop verið vestantil á Skúvoynni.
Harry Jensen úr Skúvoy sigur, at talan er um eitt sera stórt omanlop, og tað er á einum staði, har ongin hevði væntað, at tað fór at leypa.
Tey nevna tað uppi á Skorð, nærhendis Stórugjógv.
- Har eigur sera nógvur lomvigi um sumrarnar. Kanska er hatta eitt tað stórsta bergið í Føroym, har lomvigi eigur, sigur Harry Jensen í stuttari viðmerking við VP.
Undir lopinum er nú ein stór urð.
Strandfaraskipið Sildberin hevur nú fyrrapartin gjørt eina útferð við bygdarfólki at hyggja eftir lopinum.
Myndirnar hevur Ólavur Frederiksen tikið.
##med2##
##med3##
##med4##
Um tú veitst okkurt, sum VP ikki veit - skriva so til vp@vp.fo
