– Tosið um møgulig kjarnorkuvápn í Ukraina er ein sera álvarsom provokasjón. Russland fer ikki at loyva Ukraina at fáa sær kjarnorkuvápn, sigur russiski forsetin Vladimir Putin.
Ukraina hevur ikki sagt at landið er í ferð við at fáa sær kjarnorkuvápn.
Viðmerkingin hjá Putin kemur dagin eftir at forsetin í Ukraina Volodymyr Zelenskyj nevndi eina sokallaða «sigursætlan», tá ið hann hitti europeiskar leiðarar í Brússel.
Her segði hann millum annað:
– Antin má Ukraina fáa kjarnorkuvápn, sum hevði verið okkara verja, ella mugu vit hava eina ella aðra alliansu. Burtursæð frá Nato, vita vit ikki um nakra effektiva alliansu í dag, skrivar TV2.
Um tú veitst okkurt, sum VP ikki veit - skriva so til vp@vp.fo
