Vinna
Heilsølan hjá Poul Michelsen hevði stívliga 7 milliónir krónur í ársúrsliti í fjør. Tað er munandi minni enn árið fyri, tá úrslitið var nærum 10 mió kr.
Tað hendir hóast nettosølan hjá fyritøkuni vaks við nærum 11 mió kr. Men av tí at framleiðslukostnaðirnir, tað sum keypt verður inn at selja víðari, eisini dýrkaði nógv, so sást meirsølan ikki aftur á botnlinjuni - tvørtur ímóti.
Starvsfólkakostnaðirnir vuksu úr 18,5 uppí 20,3 mió kr.
Fíggjarstøðan javnvigar við stívliga 175 mió kr og nærum 82 mió kr er eginogn.
Um tú veitst okkurt, sum VP ikki veit - skriva so til vp@vp.fo
