![](https://www.vp.fo/fileadmin/_processed_/1/d/csm_carvahal_e74ae5486c.jpg)
![](https://www.vp.fo/fileadmin/_processed_/1/d/csm_carvahal_e74ae5486c.jpg)
Swansea hevur í dag boðað frá, at felagið hevur sett portugisiska Carlos Carvalhal sum nýggjan venjara í felagnum, eftir at Paul Clement fekk sekkin stutt fyri jól.
Swansea liggur í løtuni á einum aftasta plássi í Premier League við 13 stigum, fimm stig frá niðurflytingarstrikuni.
52 ára gamli Carvalhal var fram til jólar venjari hjá Championship felagnum Sheffield Wednesday, har hann hevði verið venjari síðan á sumri í 2015.
Frammanundan tíðini í Onglandi hevur Carvalhal millum annað roynt seg í Sporting, Besiktas og Braga.
Sáttmálin við Carvalhal er fyribils galdandi fram til summar, og kann hann hareftir leingjast, um partarnir ynskja tað.
Um tú veitst okkurt, sum VP ikki veit - skriva so til vp@vp.fo