Tey hava bæði vitjað har í seinastuni og í ongum øðrum stati hava tey brúkt so nógvar pengar til lýsingar sum júst í Pennsylvania.
Orsøkin er, at júst hesin staturin er ein av sonevndu svingstatunum, tað vil siga, at úrslitið kann fara báðar vegir. Í USA velja tey ikki forsetan beinleiðis, men ígjøgnum valmenn. Tann sum fær meira enn helvtina av atkvøðunum í einum stati fær allar valmenninar í statinum.
Størri staturin er, fleiri eru valmenninir. Samanlagt eru 538 valmenn, so skalt tú hava meirilutan, skalt tú hava 270 valmenn. Og í Pennsylvania eru 19.
- Vinnur tú ikki Pennsylvania, so verður trupult at vinna forsetavalið, sigur Eirik Løkke, serfrøðingur við NRK.
Um tú veitst okkurt, sum VP ikki veit - skriva so til vp@vp.fo
