Tað er í veruleikanum heilt ófatiligt, at ikki øll hjálparfólk duga at síggja, hvussu lítla virðing hann hevur fyri hjálparfólki.
Føroya Pedagogfelag hevur ongantíð í søgu felagsins havt ein formann, sum røkkur uppá knøini á Philbrow, tá talan er um at gera mannamun á pedagogum og hjálparfólki.
Veruleikin er, at frá 2017 til 2022 eru pedagogarnir farnir 5 lønarstig upp, meðan hjálparfólk eru farin 1 (eitt) lønarstig upp.
Hetta hevur viðført ein øgiligan lønarmun.
Mánaðarlønin hjá einum pedagogi á hægsta stigi er 35.126,48 kr.
Til samanberingar fær eitt hjálparfólk á hægsta stigi 25.948,36 kr.
Hetta er ein munur uppá 9.178,12 kr.
Aftrat hesum kemur, at eftirlønin hjá pedagogum er 14% í mun til 12% hjá hjálparfólki. Leggur tú eftirlønina aftrat fær pedagogurin 40.044,18 kr og hjálparfólkið 29.062,16 kr.
Hetta gevur ein samlaðan lønarmun á 10.982,02 kr um mánaðin.
Hetta er ein øgiligur lønarmunur, tá hugsað verður um, at í flestu førum gera hjálparfólk og pedagogar akkurát sama arbeiði á somu stovnum.
Hetta vil Hjálparfólkafelagið broyta sum skjótast.
Sámal Hansen
Formaður í Hjálparfólkafelagnum
Hetta er eitt lesarabræv. Meiningar og sjónarmið í lesarabrævinum eigur tann ið skrivað hevur. VP leggur nógv í talu- og skrivifrælsi. Tí eru allar meiningar vælkomnar, bara tær eru innanfyri karmarnar á revsilógini og fjølmiðlaetisku leiðreglunum. VP loyvir í ávísan mun dulnevndum lesarabrøvum, tá veit redaktiónin hvør hevur skrivað.
Um tú veitst okkurt, sum VP ikki veit - skriva so til vp@vp.fo
