Fleiri hava helst varnast, at tað er sera lýtt í veðrinum í morgun.
Tað er fitt av vindi av lágætt, og tað hevur tað verið nú í nakrar dagar. Vanliga kemur lýkkan við lágættini.
Eins og myndin, sum er frá klokkan hálvgum átta í morgun, vísir, so er sera lýtt um alt landið, serliga á Viðareiði, har veðurstøðin hjá Landsverki sigur 19 stig. Men eisini í Suðuroynni er óvanliga lýtt, upp í 16 stig sambært Landsverki.
Forsøgnin hjá Veðurstovu Føroya er tó ikki so bjartskygd um dagin í dag. Á heimasíðuni stendur, at hitin í dag fer at koma upp í 14 stig, og tað kølnar sum dagurin líður.
Sambært forsøgnini verður gott veður næstu dagarnar. Sólin sær, og vindurin fer at minka burtur í einki. Ættin verður fyri tað mesta eystaneftir.
Um tú veitst okkurt, sum VP ikki veit - skriva so til vp@vp.fo
