Heimskenda Operahúsið fyllir í hesum døgum 50 ár og stór hátíðarhald eru í australska stórbýnum Sydney, har húsið stendur við sjógvin.
Operahúsið, sum í dag er á listanum hjá Unesco yvir heimsarvin, skuldi upprunaliga eftir ætlanini taka fýra ár at byggja og kosta 7 milliónir dollarar. Tá avtornaði tók tað 14 ár og kostaði yvir 100 mió dollarar at fáa liðugt.
Danski arkitekturin Jørn Utzon vann kappingina um at tekna húsið. Tilsamans 233 uppskot frá arkitektum í 28 londum komu inn. Men Jørn Utzon bleiv óklárur við bygginevndina og takkaði fyri seg í 1966. Hann fór ongantíð til Australia at síggja húsið, tá tað stóð liðugt, og tá Elisabeth II drotning vígdi lidna húsið, bleiv hann ikki nevndur við einum orði.
Um tú veitst okkurt, sum VP ikki veit - skriva so til vp@vp.fo
