Næsta mikukvøld, sum er mikukvøldið 6. mei kl. 19 - 20 verður ein fyrilestur um positiva sálarfrøði – “GRIT, leiðin til framburð”.
Tað er við Gitte Klein, lærari, master í positivari sálarfrøði og cand. psych.
Seinastu árini hevur man funnið fram til, at GRIT er avgerandi fyri framburð og lívsnøgdsemi. GRIT kann skilmarkast sum áhugi, áhaldni og ágrýtni. Tey, sum hava GRIT, reisa seg eftir mótburð, tey hava resilience. Í fyrilestrinum verður greitt frá GRIT, og hvussu vit kunnu venja GRIT. Tosað verður eisini um munin á talenti, GRIT og arbeiðsinnsatsi. Melda teg her.
13. mei kl. 19 - 20 verður ein fyrilestur við heitinum “Hvussu leiði eg meg sjálva/n ?!” við Jóhannesi Miðskarð, lærara, cand. ped. í námsfrøðiligari sálarfrøði og PhD.
Í hesum fyrilestri verður kannað hvussu sjálvleiðsla kann nýtast í tínum gerandisdegi, soleiðis at ein ynskt broyting hendir rætta vegin. Melda teg til her.
Um tú veitst okkurt, sum VP ikki veit - skriva so til vp@vp.fo
