Øll orsøk er at ynskja nýggja landsstýrinum hjá Javnaðarflokkinum, Tjóðveldi og Framsókn hjartaliga til lukku.
Serliga er vert at frøast um, at eitt av tí, landsstýrið hevur sett sær fyri, er at Føroyar skulu verða við til olympisku leikirnar.
Øll tey sum hava fingist við hetta mál vita, at hetta er sera lætt. Vit lúka øll krøv uttan eitt.
Vit eru ikki eitt sjálvstøðugt land.
Við at seta hetta í samgonguskjalið hevur landsstýrið sagt at tað vil beina hesa forðing burtur.
Okkara unglingar fara tá at verða umrøddir millum heimsins fremstu kappar.
Zakarias Wang
Hetta er eitt lesarabræv. Meiningar og sjónarmið í lesarabrævinum eigur tann ið skrivað hevur. VP leggur nógv í talu- og skrivifrælsi. Tí eru allar meiningar vælkomnar, bara tær eru innanfyri karmarnar á revsilógini og fjølmiðlaetisku leiðreglunum. VP loyvir í ávísan mun dulnevndum lesarabrøvum, tá veit redaktiónin hvør hevur skrivað.
Um tú veitst okkurt, sum VP ikki veit - skriva so til vp@vp.fo
