Feihedsbrevet: Í dag hava vit lagt út fyrsta part av nýggju poddvarpsrøðini: Norrøni Eftirskúlin — Sex, drøgg og skúlaskapur.
Norrøni Eftirskúlin í Danmark varð í føroysku bløðunum lýstur sum ein kristin kostskúli í Danmark, men næmingarnir, sum gingu á føroyska eftirskúlatilboðnum í Suðurjútlandi í áttati og nítiárunum, lærdu meira um sex og drøgg enn skúlaskap.
Tað er í øllum førum søgan hjá fleiri næmingum, ið gingu á umstrídda skúlanum, sum lat aftur og aldrin varð fluttur til Føroya, sum ætlanin annars var.
Í fyrsta parti hoyra vit um skúlan í Genner, sum lat upp í 1986, men sum upp á ongan máta livdi upp til penu myndina av einum kristnum kostskúla, sum føroysku bløðini annars høvdu skrivað um.
Jan Berg Jørgensen var næmingur fyrsta árið, og hann fortelur um vantandi frálæru, rúsdrekka, rúsevni og annan ólevna, sum merktu tíðina tað hálva árið, hann gekk har — áðrenn hann gavst.
Um tú veitst okkurt, sum VP ikki veit - skriva so til vp@vp.fo
