Ikki síðani 1949 eru færri enn 10 milliónir børn borin í heim í Kina. Men so hendi tað aftur, tað hendi í fjør, og tað má broytast, segði kinesiski leiðarin Xi Jinping á kvinnuráðstevnu í Beijing.
Serliga seinastu fimm árini hevur verið heilt galið, og nú stúra myndugleikarnir fyri, at tað vera alt ov nógv gomul og alt ov fá ung í landinum um fá ár.
- Tí mugu tit fáa fleiri børn, segði kinesiski leiðarin við kvinnurnar á ráðstevnuni, sambært The New York Times.
Kina hevði frá 1980 til 2015 ein sokallaðan eitt-barns politikk. Nú lata tey skattalættar og aðrar fyrimunir til familjur, har fleiri enn eitt barn kemur burturúr. Tað ideella er trý børn, siga tey í Kina.
Um tú veitst okkurt, sum VP ikki veit - skriva so til vp@vp.fo
