Norska stjórnin setir nú avmarking í verk fyri, hvussu leingi russisk fiskiskip sleppa at liggja við bryggju í Tromsø, Bátsfjørðinum og Kirkenes, skrivar NRK.
Russisk fiskiskip hava í løtuni ongar avmarkingar fyri, hvussu leingi tey kunnu liggja við bryggju í teimum trimum havnunum, sum framvegis eru opnar.
Nú hevur stjórnin avgjørt, at tíðin russisk fiskiskip kunnu liggja við bryggju verður avmarkað til í mesta lagi fimm arbeiðsdagar, men upp til sjey dagar við vikuskifti ella frídøgum.
Eisini skulu í minsta lagi tríggir dagar ganga millum vitjanirnar.
Broytingarnar koma í gildi sum skjótast, boðar norska stjórnin frá sambært NRK.
Um tú veitst okkurt, sum VP ikki veit - skriva so til vp@vp.fo
