Gott lag í føroyska hópinum, eftir málleysa javnleikin móti Danmark - Mynd: www.FSF.fo
Gott lag í føroyska hópinum, eftir málleysa javnleikin móti Danmark - Mynd: www.FSF.fo
Gott lag í føroyska hópinum, eftir málleysa javnleikin móti Danmark - Mynd: www.FSF.fo
FSF: Føroyska U17-landsliðið við gentum reisti seg av álvara, tá seinasta umfar í NM-kappingini, sum í hesum døgum er í Ribe í vestur Jútlandi, varð spælt mánadagin.
Úrslitið í síðsta dystinum gjørdist javnleikur 0-0 ímóti Danmark, sum tær annars taptu tepurt fyri í fyrsta umfari.
Donsku genturnar vóru omaná í spæli og málmøguleikum, men okkara gentur stríddust væl og stóðu stinnar á vøllin, og tað eina stigið til Føroyar var tí fult uppiborið.
Reglurnar í NM-kappingini eru annars tær, at tá dystir enda við javnleiki, verður fari beinleiðis til brotssparkskapping, og tá vístu føroysku genturnar veruliga styrki, og vunnu 4-3.
Næst á skránni hjá U17-gentunum er EM-undankappingin, sum verður í Slovakia í november mánað.
Um tú veitst okkurt, sum VP ikki veit - skriva so til vp@vp.fo
