SSL: Niels Jørgen Nielsen er 57 ára gamal og hevur drúgvar royndir innan skiparakstur og sjóvinnu.
Niels varð útbúgvin skipsførari í 1989, og eftir lokið skipsføraraprógv var hann í 12 ár stýrimaður og skipsinspektørur hjá A.P. Møller. Árini 2013-19 sigldi hann sum yvirstýrimaður og avloysaraskipari við Smyrli og var eina tíð stýrimaður á Norrönu.
Tá ið Skipaeftirlitið, nú Sjóvinnustýrið, var yvirtikið, var Niels í fýra ár sýnsmaður har. Hann hevur eisini fleiri ára starvsroyndir sum próvdómari hjá Akstovuni og lærari á Vinnuháskúlanum og Brandskúlanum.
Rakstrardeildin er umframt leiðaran mannað við skipinspektøri, tekniskum leiðara, manningarsamskipara og trygdarsamskipara. Úti á skipunum eru skipararnir og maskinstjórarnir tættastu samstarvspartar hjá rakstrarleiðaranum.
Um tú veitst okkurt, sum VP ikki veit - skriva so til vp@vp.fo
