Føroya Bil-eigarafelag tekur frástøðu frá uppskotinum hjá samgonguni um at hækka avgjøld á bensin og diesel.
At avtaka brúkaragjøldini til undirsjóvartunlarnar er somuleiðis ikki rætt at blanda uppí samferðslupakkan.
Symbolsk gjøld til undirsjóvartunlar er í ordan, og felagið heldur, at ferðafólk og bilar úr øðrum londum eisini skulu geva sítt íkast til raksturin av undirsjóvartunlunum.
Um tunnilsgjøldini verða tikin av, kann hugsast, at vegakerviði skjótt kemur niður á sama vánaliga støð,i sum restin av vegakervinum.
Felagið tekur sostatt ikki undir við Samfersðlupakkanum. tí vit halda ikki, bileigarin skal hava rokningina fyri nýggja ferju til Suðuroynna.
Føroya Bil-eigarafelag mælir sostatt til at taka uppskotið aftur, tí tað ikki er nakar fyrimunur hjá vanliga bileigaranum.
Nevndin í Føroya Bil-eigarafelag
Hetta er eitt lesarabræv. Meiningar og sjónarmið í lesarabrævinum eigur tann ið skrivað hevur. VP leggur nógv í talu- og skrivifrælsi. Tí eru allar meiningar vælkomnar, bara tær eru innanfyri karmarnar á revsilógini og fjølmiðlaetisku leiðreglunum. VP loyvir í ávísan mun dulnevndum lesarabrøvum, tá veit redaktiónin hvør hevur skrivað.
Um tú veitst okkurt, sum VP ikki veit - skriva so til vp@vp.fo
