Ólavur Frederiksen hevur verið úti við myndatólinum.

Síggj myndir frá tiltakinum her

Tórshavnar Kommuna skrivar soleiðis á heimasíðuni um Vetrarljós:

Býarskipanardeildin í Tórshavnar kommunu leggur ymisk ljósverk til rættis, sum kunnu síggjast – og summi eisini roynast – tá ið Vetrarljós tendrar leygarkvøldið kl.17. Visit Tórshavn skipar fyri Vetrarljósi.

Eitt nú er ein reiggja sett upp, sum framleiðir ljós, tá ið fólk seta seg at reiggja. Ljósverkini í Tinghúsgarðinum verða nevnd “Leikandi ljós”, og tað fatar um fleiri smærri ljósverk, ið bjóða øllum at spæla og uppihalda seg í økinum. Eitt fyribils spælipláss í miðbýnum.

Vetrarljós er eitt afturvendandi tiltak, sum Visit Tórshavn skipar fyri. Vetrarljós bjóðar ljósari tíðum vælkomnum. Tiltakið verður á áttanda sinni í ár.

Sjálvt tiltakið Vetrarljós verður frá 6. februar til 14. Februar. Men til ber at uppliva hugtakandi uttandura ljósverkini ymsastaðni í býnum í ein mánað.

Tiltakið er serliga ætlað børnum og ungum, men ljósverkini eru eisini forvitnislig at uppliva hjá vaksnum.