Bournemouth-Liverpool 0-3 (0-2)
0-1: Alex Oxlade-Chamberlain, 35
0-2: Naby Keïta, 44
0-3: Mohamed Salah, 54'
Bournmouth er hart rakt av skaðum fyri tíðina, og gjørdist støðan ikki lættari hjá teimum reyðu og svørtu, tá verjuleikarin Nathan Aké noyddist av vøllinum við einum skaða í 35. minutti.
Hann var ikki meira enn farin av vøllinum, so gjørdi Jordan Henderson, sum hann gjørdi fleiri ferðir ímóti Everton mikukvøldið, og legði eina framúr sending aftur um Bournemouth verjuna til Alex Oxlade-Chamberlain, sum takkaði fyri og setti bóltin í netið til 0-1.
Síðan spældu Salah og Keïta serstakliga væl saman í tveimum umførum, og einsamallir við Bournemouth málverjanum vóru teir ísakaldir.
Harvið var dysturin avgjørdur, og hava Liverpool nú skotið átta mál í tveimum dystum.
Liverpool er oddalið í Premier League við heili 46 stigum av 48 møguligum.
Nummar tvey er Leicester City við 35 stigum. Leicester spæla í morgin á útivølli ímóti Aston Villa.
Um tú veitst okkurt, sum VP ikki veit - skriva so til vp@vp.fo
