Vinna
Japansku bilframleiðararnir hava mist nógv seinastu tíðina eftir at flutningsmyndugleikin í landinum fann skeiv tøl sum brúkt vóru at fáa góðkent ávís sløg av bilum.
Størsti framleiðarin, Toyota, misti um 5,4 prosent undanfarnu viku eftir at tíðindini bórust. Dagarnar eftir minkaði marknaðarvirðið við heili 2,45 billiónum jenn, svarandi til 15,62 milliardir dollarar ella 108 milliardir krónur. Meðan tann næst størsti framleiðarin, Mazda, misti um 8 prosent, svarandi til 80,33 milliardir jenn, skrivar norska Finansavisen.
Um tú veitst okkurt, sum VP ikki veit - skriva so til vp@vp.fo
