Danski forsætisráðharrin, Mette Frederiksen, hevur sent starvsbrøðrunum í Svøríki, Noregi, Íslandi og Finnlandi bræv, har hon ger greitt, at hon fegin vil hava Helsingforsavtaluna broytta, so Føroyar og Grønland verða sjálvstøðugir limir.
Tað sigur hon við Altinget.
Norðurlandaráðið er saman í Íslandi í hesum døgum. Men tá ukrainski forsetin, Volodymyr Zelenskyj, vitjaði, vóru Føroyar og Grønlandi ikki boðin við.
Grønland gjørdi fyrr í ár bart og segði, at Grønland ikki luttekur, so leingi sum Grønland ikki er fullgildur limur.
Norðurlandaráðið varð stovnað í 1952 og er saman tvær ferðir árliga har ymisk felags áhugamál verða umrødd.
Um tú veitst okkurt, sum VP ikki veit - skriva so til vp@vp.fo
