![NB118 TBN Goeta](https://www.vp.fo/fileadmin/_processed_/4/4/csm_NB118_TBN_Goeta_995c68d02f.jpg)
![Bogi Mourits](https://www.vp.fo/fileadmin/_processed_/1/6/csm_Bogi_Mourits_e003277ed4.jpg)
![MM og Bogi](https://www.vp.fo/fileadmin/_processed_/5/d/csm_MM_og_Bogi__ff6731ea8b.jpg)
![NB118 TBN Goeta](https://www.vp.fo/fileadmin/_processed_/4/4/csm_NB118_TBN_Goeta_995c68d02f.jpg)
![Bogi Mourits](https://www.vp.fo/fileadmin/_processed_/1/6/csm_Bogi_Mourits_e003277ed4.jpg)
![MM og Bogi](https://www.vp.fo/fileadmin/_processed_/5/d/csm_MM_og_Bogi__ff6731ea8b.jpg)
MEST: Sáttmáli er undirskrivaður millum Varðan og skipasmiðjuna MEST um at byggja nýggjan frystitrolara. Skipið skal latast reiðarínum á sumri í 2026.
Talan er um eitt framkomið skip, sum er útgjørt til framtíðar krøv. Skipið skal vera 44,15 metrar langt og 11,60 metrar breitt. Frystitrolarin skal hava ein framkomnan Wartsila-25 motor við 2611 HK. Hetta er ein motorur, sum brennur lítið og sum er gjørdur klárur til at verða umbygdur til grønar loysnir.
Sniðið á skipinum er gjørt í samstarvi millum Varðan og MEST, og málið hevur verið at tryggja so góð arbeiðsviðurskifti og hentleikar til manningina umborð, sum møguligt. Skipið skal hava eina verkasmiðjusloysn við frystiorku á 40 tons um dagin.
- Vit á Varðanum gleðast um, at nýggi frystitrolarin verður bygdur í Føroyum. MEST hevur áður bygt frystitrolarar og hava fyri stuttum bygt nýggja havrannsóknarskipið, Jákup Sverra - so vit valdu MEST at standa fyri byggingini av okkara nýggja frystitrolara, sigur Bogi Jacobsen, stjóri í Varðanum.
Tað var ein ovurfegin Mouritz Mohr, sum í dag undirskrivaði sáttmálan við Varðan.
- Hettar er ein stórur dagur fyri okkum á MEST. At vit í Føroyum fáa møguleikan at varðveita skipasmíð sum handverk er umráðandi fyri okkum sum tjóð. Og serliga gleðiligt er tað, at vit eru kappingarfør við okkara grannatjóðir, sigur Mouritz Mohr stjóri í MEST.
Um tú veitst okkurt, sum VP ikki veit - skriva so til vp@vp.fo