Eitt uppslag á Instagram-brúkaranum hjá argentinsku fótbóltsstjørnuni Lionel Messi hevur higartil fingið fleiri enn 66 milliónir "likes".
Hetta er tað mesta nakrantíð á Instagram, skrivar nrk.no.
Í uppslagnum sæst ein ovurfegin Messi fegnast um heimsmeistaraheitið, haldandi HM-steypinum yvir høvd.
Gamla metið á Instagram hevði "Eggið". "Eggið", sum er eitt uppslag frá 2019, hevur í skrivandi løtu umleið 56 milliónir "likes" á Instagram. Áðrenn hetta hevði Kylie Jenner metið við 18 milliónum "likes".
Messi hevur triðflestar fylgjarar á Instagram. Hann hevur 402 milliónir fylgjarar, meðan Cristiano Ronaldo hevur 519 milliónir fylgjarar. Almenna kontoin hjá Instagram hevur 580 milliónir fylgjarar.
Um tú veitst okkurt, sum VP ikki veit - skriva so til vp@vp.fo
