Visit Runavík: Sunnudagin 25. apríl kl. 15 verður skipað fyri flaggdagshaldi í Runavík. Samstundis verður stóra vikulanga mentanarvikan í Runavíkar kommunu sett.
Sum vant verður flaggdagshaldið við Skótahúsið við Løkin. Skótar og ítróttarfeløg ganga skrúðgongu, og Nes Sóknar Musikkfelag spælir.
Tórbjørn Jacobsen, borgarstjóri, býður vælkomin og setir mentanarvikuna 2021. Síðani heldur Jørgen Niclasen, landsstýrismaður, flaggdagsrøðuna.
Aftaná verður ein drekkamuður í skótahúsinum, og høvi verður at spæla tombola og kondibingo, sum skótarnir skipa fyri.
Skráin fyri mentanarvikuna er at finna á visitrunavik.fo.
https://visitrunavik.fo/wp-content/uploads/2021/04/Mentanarvikan-2021.pdf
Um tú veitst okkurt, sum VP ikki veit - skriva so til vp@vp.fo
