Kringvarpið: Høgni Lauritsen, stjóri í TG-Verk, váttar fyri Kringvarpinum, at byggingin av Marknagilsdeplinum kann enda í einum gerðarætti, og at arbeiði harvið steðgar upp.
- Upphavið til ósemjuna millum Landsverk og TG-Verk er ein grundleggjandi prosjekteringsfeilur av donsku verkfrøðingafyritøkuni Lemmings og Eriksson. 40 berandi element í bygninginum vóru ógvusliga undirprosjekterað.
- Lemmings og Eriksson hevur átikið sær ábyrgdina fyri feilin, sum hevur elvt til ein meirkostnað, ið sigst liggja um 50 milliónir krónur, skrivar Kringvarpið.
- Men upphæddin er vorðin til eitt trætumál millum Landsverk og TG-Verk, tí tað er óvist, hvussu nógv av meirkostnaðinum tryggingin hjá Lemmings og Eriksson dekkar.
- Lemmings og Eriksson fekk umleið 40 milliónir krónur fyri prosjekteringina av Marknagildsdeplinum, skrivar Kringvarpið.
Um tú veitst okkurt, sum VP ikki veit - skriva so til vp@vp.fo
