Mánadagin 11. apríl kl. 15.00 byrjar Beatles vikan við einum brakið tá bólkurin hjá Signari í Homrum futtar eitt frálíkt Beatles-sett av á Beatles-torginum í SMS.
Signar sigur:
“Tað byrjaði faktisk við, at beiggi mín Poul Eli, sum er tvey ár eldri enn eg, kom og segði við meg, tá eg var seks ára gamal, at onkur hevði skotið John Lennon. Tá visti eg ikki hvør John Lennon var, men skilti í hvussu er, at okkurt ræðuligt var hent.
Síðani kom tónleikurin hjá the Beatles at fylla meira og meira, fyrst gjøgnum beiggjan Poul Eli, sum rímiliga skjótt átti allar útgávurnar, og síðani gjøgnum mítt egna stereo-anlegg.
Tónleikurin hjá the Beatles hevur síðani gjøgnum árini givið mær so ómetiliga nógv, og tað sum kanska er mest løgið, er at tá eg enn í dag lurti eftir tónleikinum, so fangi eg meg sjálvan í at hugsa, at hatta havi eg ikki lagt merki til fyrr!”
Manningin:
Signar í Homrum: sang og akk gittar
Høgni Fagraberg: gittar og kór
John Johansen: bass og kór
Henning Hjalt Nicodemussen: trummur og kór
Um tú veitst okkurt, sum VP ikki veit - skriva so til vp@vp.fo
