Politikkur
Sirið Stenberg, landsstýriskvinna í Almanna- og Mentamálum hevur í morgun sent Løgtinginum eina fráboðan um, at hon tekur uppskotið um arbeiðsfremjandi tiltøk aftur, og verður tí eingin viðgerð av málinum í Tinginum í dag.
- Eg ásanni, at eitt so stórt mál krevur eina størri viðgerð áðrenn broytingar verða gjørdar.
Uppskot um arbeiðsfremjandi tiltøk ger stór inntriv í gerandisdagin hjá fólki, og eigur tí ikki at vera partur av einari fíggjarlóg. Málið krevur eina størri viðgerð, og tí er málið tikið aftur, sigur Sirið Stenberg landsstýriskvinna í Almanna- og Mentamálum.
Um tú veitst okkurt, sum VP ikki veit - skriva so til vp@vp.fo
