Røðarar á Vaglinum í Havn í ár verða Suni Selfoss, formaður í Starvsmannafelagnum, Karin Kjølbro, fyrrverandi løgtingskvinna, og Marius Rein, fyrrverandi løgtingsskrivari.
Men visti tú, at hetta haldið nú er vorðið drúgv siðvenja?
1962 var árið, tá 1. maidagshald varð hildið fyrstuferð í Havn.
Dagblaðið skrivaði undan haldinum, at “útifundur verður á Vaglinum, har stuttar røður verða hildnar.” Blaðið boðaði eisini frá, at altjóða arbeiðarasangurin fór at verða sungin. Hann hevði M. S. Viðstein føroyskað longu í 1915.
Nakrar dagar seinni tók Dagblaðið saman um hátíðarhaldið og greiddi frá, hvør hevði hildið røðu á Vaglinum, og at Havnar Hornorkestur hevði staðið fyri tónleikaliga innihaldinum.
Um tú veitst okkurt, sum VP ikki veit - skriva so til vp@vp.fo
